Message from President

दिनेश गुरुङ्ग

अध्यक्ष

सर्वप्रथम सम्पूर्ण स्पेनबासी नेपाली दाज़ुभाई तथा दिदिबहिनीहरूले जुन माया, सदभाव तथा विश्वासका साथ गैर आवासीय नेपाली संघ स्पेनको २०१९-२०२१ कार्यकालको नेतृत्वका लागि  विजय गराई नेतृत्वका लागि अवसर प्रदान गर्नुभयो त्यसको लागि हार्दिक आभार प्रकट गर्दछु। एनआरएनए स्पेनको बिधान र यहाँहरुले दिनुभएको  मत र विश्वासलाई शिरोधार्य गर्दै न्यायोचित, जनप्रेमी, सबल र परिणाममुखी एनआरएनए निर्माणका लागि मेरा प्रतिवद्धतालाई एक इंच पनि तलमाथि नभई स्वतन्त्र  बिचारले  स्पेनबासी नेपाली र समुदायमाहरू आएका र भैपरि आऊने सक्ने समस्याहरूको सुक्ष्म अध्ययन गरी उचित समाधानको लागि अग्रपंतिमा लागि पर्ने प्रतिबद्धता जनाऊँन चाहान्छु।

सन् २००५ बाट शुरू भएको एनआरएनए स्पेनको अभियानमा बिभिन्न बाधाअबोरोहाहरू पार गर्दै आजको  सबल एनआरएनएको अबस्थासम्म ल्याई पुर्याउन अनवरत लागि पर्नुहुने एनआरएनए स्पेनका सामाजिक अभियन्ता ज्यूहरुलाई  हार्दिक धन्यवाद दिन चाहन्छु।

एनआरएनए स्पेनको पहिलो अभियान नेपालीहरूको दिनानुदिन बढ्दो चापलाई मध्यनजर राख्दै नेपाली दूतावाससंग  आबस्यक समन्वय र सहकार्य गर्दै नेपाली  दाजुभाई तथा दिदीबहिनीहरु र दुताबासबीच समन्वय गर्न, समस्या पहिचान गर्न तथा त्यसको समाधानका लागि पुलको रूपमा काम गर्ने रहने छ। हाम्रा धेरै पूर्व निर्धारित कार्यक्रम र आयोजनाहरु पूरा गर्दै जाने क्रममा कार्यकालको सुरुवातीबाट नै विश्वव्यापी कोभिड १९ को महामारीको समस्याले विश्व नै आक्रान्त र दैनिक कार्यक्रममा समस्या परेको कुरा सर्वविदित नै छ तथापि यस कोरोना महामारीको संक्रमणकालीन अवस्थामा  स्पेनमा कानुनी तथा गैरकानुनी रूपले बसोबास गर्नुहुने नेपालीहरूलाई आबस्यक सहयोग गर्ने  हाम्रो पहिलो प्राथमिकता रह्यो। यही अनुरूप स्पेनमा भएका सम्पूर्ण सामाजिक, जातिय तथा राजनीतिक संघसंस्था सँग सहकार्य गर्दै सबैको  प्रतिनिधित्व रहने गरी Covid १९ संयुक्त मूल सहयोग समिति गठन गरी समस्यामा परेका नेपाली दाजुभाई तथा दिदीबहिनीहरूलाई विभिन्न चरणमा सहयोग गर्न सफल भयौ। यस  विषम घडीमा सहयोग गर्नुहुने  स्पेनका लागि महामहिम राजदूत दावाफूटी शेर्पा ज्यू  तथा नेपाली दूतावास मड्रिड प्रति सम्मान प्रकट गर्न चाहन्छु। एनआरएनए स्पेनलाई अभिभावकको रूपमा सम्मान सहित जुन सहयोग गर्नु भयो त्यसको लागि स्पेनमा भएका सम्पूर्ण संघसंस्था साथै  एनआरएनए युरोप उपसंयोजक श्री मुक्त बहादुर गुरुङ ज्यू, आईसीसीद्वय सुनिल रानाभाट ज्यू तथा  चिन्तामणि सापकोटा ज्यू, संरक्षक ज्यूहरु, सल्लाहकार ज्यूहरू कार्यसमितिका सम्पूर्ण पदाधिकारी तथा सदस्य ज्यूहरू, क्षेत्रिय समितिका पदाधिकारी तथा सदस्य ज्यूहरुप्रति हार्दिक आभार प्रकट गर्दछु।

अन्त्यमा आगामी दिनमा पनि नेपाल र नेपाली  समुदायमा भैपरि आउने सक्ने समस्याहरूलाई सुक्ष्म रूपले अध्ययन गरी  आबस्यक सहयोग गर्ने प्रतिबद्धता जनाउँदै यहाँहरुको रचनात्मक साथ, सहयोग, सुझाव तथा सल्लाहको अपेक्षा राख्दै  नयाँ वर्ष २०२१ को शुभकामना व्यक्त गर्दछु। धन्यवाद!

 

दिनेश गुरुङ्ग

 अध्यक्ष

गैर आवासीय नेपाली संघ स्पेन।

Youtube